APD colabora con Believe In You (BIU) na celebración deste encontro, que tamén conta coa colaboración de Caixanova, Coca-Cola, Eloxia Media, Frutas Nieves, Gradiant, Vindeira e Feuga, no que se presentará aos asistentes, da man de recoñecidos profesionais, modelos innovadores de management que xa se aplican con éxito en empresas galegas.
 
A través de formatos novos e do intercambio de experiencias, cun enfoque eminentemente práctico, esta xornada divulgará as últimas tendencias en xestión de Persoas e Contornas, baixo o prisma da innovación.
 
Así mesmo, a cita inclúe un encontro de profesionais cun formato novo, o Speed Networking, un modelo de intercambio para empresas e profesionais que desexen ofrecer os seus servizos e produtos, buscar novos provedores, socios ou simplemente ampliar a rede de contactos.

A asistencia é gratuíta aínda que o aforamento é limitado. 
        
Consultar programa e inscribirse.