Información e busca de axudas son dous factores clave para a consecución de referenciais

Ineo procedeu ao traspaso das subvencións e préstamos pendentes de cobramento pola participación nos proxectos de implantación e certificación de sistemas de calidade.

En total, foron 10 as empresas que alcanzaron a certificación da ISO 12207 por medio do proxecto presentado ante o MITYC no 2006. Este proxecto foi un dos 14 aprobados, dentro dos cales, só 5 eran liderados por asociacións empresariais.

O ano pasado presentouse á mesma convocatoria un novo proxecto de implantación e certificación de normas de calidade, neste caso ISO 90003 e CMMI no que participaron 7 empresas socias e que neste momento aínda continúa executándose. O total das cantidades transferidas aos socios por ambos os dous proxectos superou os 170.000 euros.

Coa implantación de sistemas de xestión no propio sector ou de sistemas de calidade, o que consegue Ineo é mellorar a propia organización interna das empresas, como factor clave na calidade de servizo.

A formación das empresas en materia de calidade proporcionándolles información sobre os pasos que seguir e a busca de axudas para o proceso de implantación son os dous aspectos nos que Ineo xogou un papel clave de cara á consecución de referenciais por parte dos socios.