Mediante a obtención da certificación ISO 27001 AVANZAS pasa a formar parte dun exclusivo número de empresas que dispoñen de calidade acreditada nos Sistemas de Xestión e en Seguridade da Información. O rpoyecto de certificación coordinado por Ineo con número de referencia TSI-030200_2008_34 foi cofinanciado polo Ministerio de Industria, Turismo e Comercio, dentro do Plan Nacional de Investigación Científica, Desenvolvemento e Innovación Tecnolóxica 2008-2001.A obtención desta certificación é unha mostra do esforzo de AVANZAS pola mellora continua no servizo ao cliente e unha maior garantía de calidade nos produtos ofertados.

O estándar para a seguridade da información UNE/IEC ISO 27001:2007 especifica os requisitos necesarios para establecer, implantar, manter e mellorar un Sistema de Xestión da Seguridade da Información (SGSI). No caso de AVANZAS, este referencial alcanza a totalidade das áreas de negocio da empresa: Rexistro de dominios, Aloxamentos compartidos (Hosting), Correo electrónico, Comercio electrónico, Servidores dedicados, Servidores virtuais (VPS), Hotel de servidores (Housing), Copia de seguridade remota (Backup online) e Software como servizo (SaaS).

A obtención desta certificación e do selo IQNET non só sitúan a AVANZAS dentro dun exclusivo grupo de empresas que dispoñen de tales referenciales senón que vén cumprir co obxectivo a medio-longo prazo de mellorar continuamente o servizo ofertado ao cliente e a calidade dos produtos ofertados. Forma parte da política da empresa a satisfacción dos requisitos, necesidades e expectativas do cliente, garantindo a seguridade da información e baseándose nos seguintes principios:
1. Protección de datos de carácter persoal e a intimidade das persoas.
2. Protección dos rexistros da Organización.
3. Cumprimento e conformidade cos requisitos lexislativos e contractuais aplicables á actividade da empresa en materia de seguridade.
4. Continua formación en temas de seguridade da información.
5. Cumprimento dos controis e medidas de seguridade establecidos.

AVANZAS é un provedor de servizos de Internet con infraestrutura propia. As súas áreas de negocio abarcan o rexistro de nomes de dominio, correo electrónico, aloxamento web (compartido e dedicado), servidores virtuais (VPS), servidores dedicados, hotel de servidores (housing), servizo de copia remota (backup online), SaaS (software como servizo), tecnoloxía DVI (escritorios virtuais) e cloud computing, ademais doutros servizos de Internet de alto valor engadido. AVANZAS dispón da súa infraestrutura aloxada nun dos centros de datos máis modernos de Europa situado en Vigo.
Con máis de once anos de experiencia, a empresa ofrece atención comercial e técnica especializada directa; solucións para calquera proxecto multi-plataforma e as ferramentas máis intuitivas para xestionar os produtos e servizos de forma rápida e sinxela da man de partners internacionais tan prestixiosos como: Microsoft, Parallels, Cisco Systems, Dell, HP, Symantec, Redhat, Adobe, Vodafone, etc.
AVANZAS basea a súa competitividade nunha aposta polo I+D+I e no mantemento dunha plataforma tecnolóxica propia o que lle confire unha notable diferenza e independencia tecnolóxica. Avanzas "fabrica" todos os seus produtos e servizos.
Ademais desenvolve a súa actividade dentro do marco legal e o desenvolvemento sustentable ofrecendo un claro compromiso coa integridade, dispoñibilidade e confidencialidade na xestión da información propia ou allea que manexa.