Promovido por CONETIC, Confederación Española de Empresas de Tecnoloxías da Información, o programa INSERTIC está financiado polo Ministerio de Traballo e Asuntos Sociais. Mediante este programa formativo, as empresas de Ineo teñen a posibilidade de contar con futuros traballadores formados nun perfil profesional moi demandado e solicitado polo mercado tecnolóxico. Ademáis de participar no proceso de selección do alumnado, o programa ofrece ás empresas socias a posibilidade de contar nos seus persoais con traballadores cunha base de formación completa en informática e que anteriormente á contratación realizaron xa prácticas en empresas.

A realización deste programa formativo responde a un obxectivo estratéxico de INEO que é o de responder ás necesidades de cualificación permanente dos profesionais do sector TIC en Galicia, representados na asociación, para asegurar a mellora das súas competencias individuais e o seu desenvolvemento profesional. Consideramos que a formación, tanto dos mozos que se incorporan como novos profesionais á actividade, como a dos xa empregados, é un elemento vital de avance xeral e satisfacción do persoal.

INSERTIC é un proxecto no que participan outras Asociacións Territoriais do sector e pretende formar a profesionais en distintas especializacións técnicas garantindo que no prazo de seis meses tras a impartición das accións formativas se contrate ao 60 % dos alumnos que superaron con éxito o proceso formativo.