Artemis TI completou o proxecto realizado en colaboración con INEO de Certificación na norma ISO/IEC 27001.  Recentemente foi auditada pola filial en España do BSI entidade autora das normas que deron orixe ao estándar ISO/IEC 27001, que a propuxo para a súa certificación pola Central no Reino Unido, rexistro no que, até a data, figuran un reducido número de empresas españolas e é a primeira galega.

ISO/IEC 27001 é a única norma internacional auditable que define os requisitos para un sistema de xestión da seguridade da información (SGSI). A norma concibiuse para garantir a selección de controis de seguridade adecuados e proporcionais. Iso axuda a protexer os activos de información e outorga confianza a calquera das partes interesadas, sobre todo aos clientes. A norma adopta un enfoque por procesos para establecer, implantar, operar, supervisar, revisar, manter e mellorar un SGSI.
No caso de ARTEMIS TI,  a norma aplícase a todas as áreas, equipos, sistemas e persoas da empresa para a execución dos procesos de servizos de Hosting, Mantemento, Consultoría de implantación e Desenvolvemento de software, así como os seus procesos de Soporte, segundo a Declaración de Aplicabilidad versión 01 de xaneiro do 2010.
A certificación na ISO/IEC 27001 axuda ás empresas a xestionar e protexer os seus valiosos activos de información e os dos seus clientes nunha espiral de mellora continua..

A actividade da empresa desenvólvese dentro das seguintes liñas de actuación:
- Hosting de ERP para provedores do sector do automóbil e clientes en xeral para o que a certificación en ISO27001 está especialmente indicada
- Consultoría e Implantación de ERP`s, Sistemas de Xestión Documental e Seguridade
- Desenvolvo de Software de Xestión documental e outros na que en 2007 certificouse como ISO12207