Elogia é un grupo de mercadotecnia e comunicación centrado en Internet. Actualmente conta con presenza en España, Portugal, México, Brasil e Arxentina. O motivador fundamental do cambio gerencial en Elogia España foi "o poder focalizar os nosos esforzos na nosa crecente internacionalización", apunta Enric Aparici. "Levamos traballando desde 1999 e desde hai dous anos entramos en mercados puxantes como Brasil ou México; isto esixe toda a nosa atención para crecer máis rapidamente", comenta Aparici.

Entre os seus plans de expansión a curto prazo está o abrir unha filial de Elogia en Italia.

O novo responsable de Elogia España é Rubén López Ferreiro, quen seguirá reportando ao conselleiro delegado Enric Aparici. Ferreiro é o director fundador da axencia de mercadotecnia interactiva Galiciabanner, integrada como división de medios de Elogia (Elogia Media, antes Galiciabanner) desde agosto de 2007. Agora, como director xeneral de Elogia España, "coordinarei os traballos das oficinas de Barcelona, Madrid e Vigo", asegura Rubén López Ferreiro. Prosegue o director xeral: "Os nosos obxectivos fundamentais serán reforzar a nosa presenza en Madrid e consolidar o negocio e cros-selling das cinco divisións de Elogia".

Entre as súas funcións como director xeneral de Elogia España, López Ferreiro manterá o control directo sobre a división viguesa Elogia Media, que duplicou o seu persoal desde a integración en Elogia.