A iniciativa parte das empresas Quobis e Netex.
A idea é celebrar unha reunión que sirva como xerme dun grupo de traballo de exportación TIC galego, dirixida a todas as empresas galegas do sector que teñan implementadas liñas de traballo de internacionalización ou que queiran avanzar nese campo.
Esta reunión terá lugar o vindeiro xoves 11 de Febreiro ás 15:30 h., no Auditorio Obradoiro do Centro On de Caixa Galicia, Rúa Nova 33, Santiago de Compostela.

O obxectivo do encontro é pór en coñecemento mercados e tipos de clientes obxectivo dos participantes, de forma que se poidan planificar liñas de traballo conxuntas en áreas como:
 - Asistencia e/ou participación conxunta en feiras tecnolóxicas internacionais
 - Participación conxunta e/ou organización de misións comerciais ou encontros empresariais internacionais
 - Creación de consorcios de exportación en zonas xeográficas determinadas
 - Creación de centros de negocio ou redes de axentes comerciais no exterior conxuntas

A inscrición deberá facerse por correo electrónico  Este enderezo de correo-e está protexido contra spam bots, necesitas ter o Javascript activado para podelo ver