Ineo, fixo entrega dos diplomas para os directivos e mandos intermedios das empresas da asociación que participaron no Curso Avanzado en Dirección de Empresas TIC, impartido pola Escola de Negocios de CAIXANOVA.
Entregando os diplomas estiveron ademais do presidente de INEO, D. Jorge Cebreiros, o Director da Escola de Negocios CAIXANOVA, D. Eduardo García Erquiaga, e o vicepresidente da Confederación de Empresarios da Coruña, José Ardavín Álvarez.

   A que é xa a II edición do curso celebrouse con gran éxito en Vigo e A Coruña dentro dun proxecto en cuxa execución participaron as Confederacións de Empresarios da Coruña e Pontevedra e a Xunta de Galicia a través da Consellería de Traballo. A celebración desta entrega de diplomas e certificados vén premiar o esforzo continuo das empresas TIC galegas na mellora das súas capacidades e no aumento do os seus niveis de produtividade para competir nun mercado cada vez máis esixente. A mellora das capacidades do persoal das súas empresas e o acceso ás ferramentas que lles permitan seguir crecendo ante os novos retos da sociedade do coñecemento, son dous dos principais obxectivos da asociación de referencia do sector TIC galego. Tanto CAIXANOVA como as confederacións empresariais galegas, son entidades colaboradoras de INEO con representación no Consello Consultivo e que participan colaborando en varios dos proxectos que desenvolve a asociación nos ámbitos de mercado, cooperación e innovación.